タグ » Facebook Post

SONY BRAVIA OLED TV

Bravia Oled TV – Đỉnh Cao Hoàn Mỹ Mới

Thế giới giải trí của bạn trong mùa hè này sẽ càng “nhiệt” hon cùng chiếc TV Bravia OLED – một siêu phẩm mới của Sony vừa ra mắt trong mùa hè này. さらに428語

Prose

മമ്മൂട്ടിയിലെ അന്താരാഷ്ട്ര നടനിലെ ഒരരികു മാത്രം ഉപയോഗപ്പെടുത്തി, അന്താരാഷ്ട്ര പ്രമേയം കൈകാര്യം ചെയ്യുന്ന മനോഹര സിനിമ; പേരന്‍പിന് വ്യത്യസ്ത നിരീക്ഷണം- കുറിപ്പ്

മമ്മൂട്ടിയെ നായകനാക്കി റാം സംവിധാനം ചെയ്ത തമിഴ് ചിത്രം പേരന്‍പ് തിയേറ്ററുകളില്‍ മികച്ച അഭിപ്രായം നേടി പ്രദര്‍ശനം തുടരുകയാണ്. ചിത്രത്തിന് കേരളത്തിലും മികച്ച സ്വീകാര്യതയാണ് ലഭിച്ചു കൊണ്ടിരിക്കുന്നത്. ചിത്രത്തെ പ്രശംസിച്ച് പ്രമുഖരടക്കം നിരവധി പേരാണ് രംഗത്ത് വന്നത്. ചിത്രത്തെ കുറിച്ച് വര്‍ണ്ണിക്കാന്‍ വാക്കുകള്‍ പോരാ എന്ന് പറഞ്ഞ് ചിത്രം കാണു എന്നു പറയുന്ന സാധരണക്കാരായ പ്രേക്ഷരും ഏറെ. ഇപ്പോളിതാ പേരന്‍പിന് വ്യത്യസ്ത നിരീക്ഷണം പകരുന്ന ഒരു കുറിപ്പ് ശ്രദ്ധ നേടുകയാണ്. മമ്മൂട്ടി എന്ന നടന്റെ ഒരു ഭാഗം മാത്രം പേരന്‍രപ് എന്ന ചിത്രത്തില്‍ പ്രയോജനപ്പെടുത്തിയെന്നാണ് കുറിപ്പില്‍ പറയുന്നത്. ലോകത്തെ ഏത് രാജ്യത്തെ സിനിമയിലും മമ്മൂട്ടി എന്ന നടനെ മനോഹരമായി ഉപയോഗിക്കാന്‍ സാധിക്കുമെന്നും കുറിപ്പില്‍ പറയുന്നു.

റെനീഷ് എന്ന യുവാവിന്‍റെ ഫെയ്‌സ്ബുക്ക് കുറിപ്പ്;

ഇന്ത്യക്ക് പുറത്തുള്ള രാജ്യങ്ങളിലെ സിനിമകള്‍ ഞാന്‍ കാണാന്‍ തുടങ്ങിയിട്ട് ഏകദേശം പതിമൂന്ന് വര്‍ഷങ്ങളായി. നൂറോളം രാജ്യങ്ങളിലെ സിനിമകള്‍ ഇതിനകം കണ്ടു കഴിഞ്ഞു. വാള്‍ട്ടര്‍ സാലസില്‍ നിന്നും തുടങ്ങുന്ന വലിയൊരു നിര ഇഷ്ട സംവിധായകരായുണ്ടെങ്കിലും എനിക്ക് ഏറ്റവും ഇഷ്ടപ്പെട്ട സംവിധായകര്‍ രണ്ട് പേരാണ്. ഒന്ന് അലജാന്ദ്രോ ഗോണ്‍സാലസ് ഇനാരിറ്റിയൂ, രണ്ട് അസ്ഗാര്‍ ഫര്‍ഹാദി.

ഇനാരിറ്റിയൂ നാല് ഭൂഖണ്ഡങ്ങളെ ബന്ധിപ്പിച്ച് കൊണ്ട് വീണ്ടുമൊരു കഥ പറയുന്നതായി ഞാന്‍ ഇടയ്ക്ക് സങ്കല്‍പ്പിക്കാവുണ്ട്. ഏഷ്യയിലെ പശ്ചാത്തലം ഇന്ത്യയായും ഇന്ത്യയിലെ കഥാപാത്രം ചെയ്യുന്നത് മമ്മൂട്ടിയാണെന്നും വെറുതേ സങ്കല്‍പ്പിക്കും. എന്നിട്ട് ആ സിനിമയ്ക്കായ് വെറുതേ കൊതിക്കും.

അതുപോലെ ഫര്‍ഹാദിയുടെ എവരിബഡി നോസില്‍ അര്‍ജന്റീനയില്‍ നിന്നും സ്‌പെയിനിലേക്ക് വരുന്ന റികാര്‍ഡോ ഡാറിന് പകരം ഇന്ത്യയില്‍ നിന്നും സ്‌പെയിനിലേക്ക് മമ്മൂട്ടി വരുന്നതായി സങ്കല്‍പ്പിച്ച് വെറുതേ കൊതിക്കാറുണ്ട്.
അത് പോലെ ഫര്‍ഹാദിയുടെ എല്ലാ സിനിമയിലും നായകന് പകരം മമ്മുട്ടിയെ സങ്കല്‍പ്പിച്ച് ഞാന്‍ കൊതിക്കാറുണ്ട്.

ഞാന്‍ സങ്കല്‍പ്പിച്ച് നോക്കിയത് മമ്മൂട്ടി എന്ന നടന്റെ പ്രത്യേകതയാണ്. ലോകത്തെ ഏത് രാജ്യത്തെ സിനിമയിലും മമ്മുട്ടി എന്ന നടനെ മനോഹരമായി ഉപയോഗിക്കാന്‍ സാധിക്കും. ആ ഒരു കഴിവ് ഇന്ത്യയിലെ മറ്റൊരു നടനിലും ഞാന്‍ കണ്ടിട്ടില്ല.

ജാവിയര്‍ ബാര്‍ദെം, റികാര്‍ഡോ ഡാറിന്‍ ഇവരെയൊക്കെ മമ്മൂട്ടി വളരെ സിമ്പിളായി മറി കടന്നു പോകും. ലോക സിനിമയില്‍ ഇപ്പോള്‍ അതിരുകളൊന്നും ഇല്ല, ഇറാനിലുള്ള അസ്ഗര്‍ ഫര്‍ഹാദി അര്‍ജന്റീനയിലുള്ള റിക്കാര്‍ഡോ ഡാറിനെ വച്ച് സിനിമ ചെയ്യും, സ്‌പെയിനിലുള്ള ജാവിയര്‍ ബാര്‍ദെ മിനെ വച്ച് സിനിമ ചെയ്യും, ഫ്രാന്‍സിലുള്ള തഹാര്‍ റഹീമിനെ വച്ച് സിനിമ ചെയ്യും, ഫ്രാന്‍സിലുള്ള ഗൊദാര്‍ദ് തന്റെ സിനിമയിലെ കുഞ്ഞു റോളില്‍ മെക്‌സിക്കോയില്‍ നിന്നും ഗായേല്‍ ഗാര്‍ഷ്യ ബെര്‍ണാലിനെ കൊണ്ടു വരും. ഇറാനിലുള്ള മജീദ് മജീദി ഇന്ത്യയില്‍ വന്ന് സിനിമ ചെയ്യും, ഇന്ത്യയിലുള്ള A R റഹ്മാന്‍ ഇറാനി സിനിമയ്ക്ക് സംഗീതം നല്‍കും അങ്ങനെയങ്ങനെ,,, പിന്നെ എന്ത് കൊണ്ട് മമ്മൂട്ടി ഇന്ത്യക്ക് പുറത്ത് കടക്കുന്നില്ല ?. അതിന്റെ കാരണം മമ്മൂട്ടി ഇതു വരെ അഭിനയിച്ച് പോരുന്ന കൂറ സിനിമകളാണ്. മമ്മൂട്ടിയെ അന്വേഷിച്ച് ഇങ്ങോട്ട് വരാനുള്ള സാധ്യത മൂപ്പര് തന്നെ അടച്ച് വച്ചിരിക്കുകയാണ്.

മതിലുകളും വിധേയനും ഭൂതകണ്ണാടിയും തനിയാവര്‍ത്തനവും പോലുള്ള സിനിമകളിലൂടെ കഴിവു തെളിയിച്ച നടന്‍ വര്‍ഷങ്ങളോളമാണ് പുറകോട്ട് നടന്നത്. കാനിലും വെനീസിലും റോട്ടര്‍ഡാമിലും ബെര്‍ലിനിലും ടോറന്റോയിലും നിരൂപക പ്രശംസയേല്‍ക്കേണ്ട നടന്‍ കൂറ ഫാന്‍സിനെ ആനന്ദിപ്പിക്കുന്ന നിലയിലേക്ക് വര്‍ഷങ്ങളോളമാണ് ചുരുങ്ങിപ്പോയത്.

ഇത്രയും മമ്മൂട്ടിയെ കുറിച്ച് പറയാന്‍ കാരണം ഇന്നലെ അദ്ദേഹത്തിന്റെ ഒരു സിനിമ കണ്ടു. പേരന്‍പ്പു, പുറത്തു കടന്ന് രക്ഷപ്പെടാനാവാത്ത വിധം ജീവിതത്തിനുള്ളില്‍ അകപെട്ടു പോയ, അളവറ്റ സ്‌നേഹം മാത്രം കൈമുതലായുള്ള ഒരു പാവം മനുഷ്യന്റെ കഥ. മമ്മൂട്ടിയിലെ അന്താരാഷ്ട്ര നടനിലെ ഒരരികു മാത്രം ഉപയോഗപ്പെടുത്തി, അന്താരാഷ്ട്ര പ്രമേയം കൈകാര്യം ചെയ്യുന്ന മനോഹര സിനിമ. കട്രതു തമിഴ്, തങ്കമീന്‍കള്‍ എന്നീ സിനിമകളിലൂടെ വരവറിയിച്ച റാമിന്‍ പേരന്‍പ്.

Film News

കൈകാട്ടി കാറിൽ കയറി; ഡ്രൈവര്‍ സീറ്റിലിരുന്നയാളെ കണ്ട് ഞെട്ടി കുട്ടികൾ

മുന്തിയ കാറുകളിൽ ചീറിപ്പാഞ്ഞുപോകുന്ന താരങ്ങളുടെ കഥകളാണ് കൂടുതലും കേൾക്കാറുള്ളത്. സാധാരണക്കാരായിട്ടുള്ളവർ ലിഫ്റ്റ് ചോദിച്ചാലൊന്നും താരങ്ങൾ കൊടുക്കാറില്ലെന്നാണ് പറയുന്നത്. എന്നാൽ അവരിൽ നിന്നും വ്യത്യസ്തനായിരിക്കുകയാണ് സുരാജ് വെഞ്ഞാറമൂട്. സുരാജിന്റെ വണ്ടിയാണെന്ന് അറിയാതെ കൈ കാണിച്ച രണ്ടുകുട്ടികളെ വണ്ടിയിൽ കയറ്റി അവർക്ക് ഇറങ്ങേണ്ടയിടത് ഇറക്കി. ഇറങ്ങിയ ശേഷം ഡ്രൈവർ സീറ്റിൽ നോക്കിയപ്പോഴാണിവർ സുരാജാണ് വണ്ടിയോടിച്ചതെന്നും ഇത്രനേരം അദ്ദേഹത്തിനൊപ്പമാണ് വന്നതെന്നും മനസിലാക്കുന്നത്. സുരാജിന്റെ ഒരു സുഹൃത്തും യാത്രയിൽ ഇവർക്കൊപ്പമുണ്ടായിരുന്നു. അദ്ദേഹമാണ് രസകരമായ സംഭവം ഫെയ്സ്ബുക്കിൽ കുറിച്ചത്. സുഹൃത്ത് ദിലീപിന്റെ കുറിപ്പിങ്ങനെ:

ഞാനും സുരാജും തിരുവനന്തപുരത്ത് നിന്ന് വെഞ്ഞാറമൂട്ടിലേയ്ക്കുള്ള യാത്രയിൽ മണ്ണന്തലയിൽ നിന്ന് രണ്ട് സ്കൂൾ കുട്ടികൾ കാർ കൈകാണിച്ച് നെർത്തി. വണ്ടിയിൽ കയറിയ കുട്ടികൾക്ക് ഡ്രൈവറെ വെച്ച് ഒരു സെൾഫി ഞാനെടുത്തുകാണിച്ചപ്പോൾ അവരുടെ മുഖത്തെ സന്തോഷം ഞാനറിഞ്ഞു.

Film News